Третолигашот Илинден продолжува со засилување на стручниот штаб, а ново име во тимот е искусниот Боби Божиновски, кој ќе биде дел од стручниот штаб на првиот тим.
Божиновски зад себе има богата фудбалска кариера, како на теренот така и во тренерските води, а неговото последно ангажирање беше во Македонија ЃП, каде што во изминатите шест месеци ја извршуваше функцијата прв тренер на тимот во Првата македонска фудбалска лига.
Неговото големо искуство, знаење и професионален пристап се очекува да бидат значаен придонес за третолигашот Илинден, кој со овој ангажман дополнително го засилува својот стручен тим.
Од клубот го потврдија ангажманот со порака дека Божиновски ќе биде важен дел од проектот на Илинден и ќе помогне во остварувањето на поставените цели во продолжението од сезоната.
