Ефикасно трето коло во Трета лига – Запад, погодоци на сите натпревари, а само еден гол го реши мечот во Кичево меѓу Напредок и Зајази.
Стрелец на победничкиот гол беше Младен Котевски, а кој стрелаше во 10. минута, доволно за триумф од 1:0 за кичевски Напредок.
Скендербеу ја доби голеадата со Речица откако славеше со 3:2. Резултатот беше отворен со гол од пенал во 27. минута кога Ардит Аљиу беше сигурен минимална предност на домаќинот во првиот дел.
Во второто полувреме Флорјан Јонузи беше сигурен за 2:0, а пак во 73. минута гостинот со погодокот на Мубарек Шасивари од белата точка намали на 2:1. Само пет минути подоцна Речица дојде и до израмнување на резултатот со голот на Блертон Шабани.
Ваквиот исход донесе повеќе од неизвесна средба, а Кренар Даути во 90. минута постигна гол за триумф на домаќинот од 3:2.
Влазерими прослави домашна победа од 2:0 над Вардар од Брвеница. Домаќинот резултатот го отвори преку Албулен Имери откако домашниот тим беше сигурен од белата точка, а во вториот дел во 75. минута Јован Богдановски од гостинскиот тим работи црвен картон, а три минути подоцна Леонтин Бајрами погоди за конечни 2:0.
Шест погодоци беа постигнати во Боговиње за победа на Дрита од 4:2 над Ренова.
„Гипсарите“ го отворија резултатот преку Иса Ејупи во 10. минута, а по две минути Вулнет Елмази израмни на 1:1, а во финишот на првиот дел Адриан Исмаили со два гола обезбеди 3:1.
Во второто полувреме Ери Абдулахи намали на 3:2, а во 68. минута Брендим Рушити ги постави конечните 4:2.
Доброштио и Џепчишти ги поделија бодовите играјќи 1:1 со погодоци постигнати во вториот дел. Флорим Асани во 55. минута погоди за 1:0, а во 71. минута Ардиан Беќири ги постави конечните 1:1.
Камјани забележа гостински триумф над Љуботен од убедливи 0:3. Хузри Џемаили во 44. минута беше прецизен за 0:1 на полувреме, а на стартот од вториот дел Џемаили со втор гол овој пат од пенал зголеми на 0:2, а во 51. минута Берат Хисмани ги постави конечни 0:3.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК КАМЈАНИ ➖ | 3 | 3 | 0 | 0 | 8 | 1 | +7 | 9 |
| 2 | ФК НАПРЕДОК 1928 Кичево 🔼 | 3 | 2 | 1 | 0 | 5 | 2 | +3 | 7 |
| 3 | ФК ВЛАЗЕРИМИ Ј 1977 🔼 | 3 | 2 | 0 | 1 | 6 | 6 | 0 | 6 |
| 4 | ФК ДОБРОШТИ 🔼 | 3 | 1 | 1 | 1 | 6 | 3 | +3 | 4 |
| 5 | ФК ФЦ ЏЕПЧИШТИ 1996 🔼 | 3 | 1 | 1 | 1 | 6 | 4 | +2 | 4 |
| 6 | ФК РЕНОВА АД 🔽 | 3 | 1 | 1 | 1 | 7 | 6 | +1 | 4 |
| 7 | ФК РЕЧИЦА 🔽 | 3 | 1 | 1 | 1 | 6 | 5 | +1 | 4 |
| 8 | ФК СКЕНДЕРБЕУ 🔼 | 3 | 1 | 1 | 1 | 3 | 5 | -2 | 4 |
| 9 | ФК ВАРДАР 2022 с.Брвеница ➖ | 3 | 1 | 0 | 2 | 4 | 5 | -1 | 3 |
| 10 | ФК ДРИТА 94 🔼 | 3 | 1 | 0 | 2 | 5 | 9 | -4 | 3 |
| 11 | ФК ЗАЈАЗИ ➖ | 3 | 0 | 1 | 2 | 3 | 6 | -3 | 1 |
| 12 | ФК ЉУБОТЕН ➖ | 3 | 0 | 1 | 2 | 2 | 9 | -7 | 1 |
