Еуромилк ГЛ ништо не го запира – нова убедлива победа, БВК Коњаре се распука, минимална победа за Куманово!

Погодоци на сите натпревари од 4. коло во Трета лига – Север, а најголема победа однесе екс прволигашот Еуромилк од Горно Лисиче, откако на домашен терен со 6:0 го декласираше новакот Отља.

Искусниот голгетер Орхан Мифтар постигна четири погодоци, а два гола постигна Томче Павловски.

Висок триумф имаше и БВК Коњаре откако со 6:1 го доби тимот на Башкими Љуботен на домашен терен. Елмир Алији и Јусуф Аљиу беа стрелци на по два погодоци, а по еден гол постигнаа Арбин Курти и Марио Томовски. За гостинот во вториот дел стрелаше Валон Сејфулау.

Беса Сарај и Аеродром одиграа реми со по еден гол (1:1), а погодоците беа постигнати во вториот дел. Стефан Богдановски го донесе Аеродром прв во водство со гол во 72. минута, а веќе во 79. минута Љавдрим Палику ги постави конечните 1:1.

Ржаничино пред својата публика на домашен терен славеше победа над Лопати, која беше обезбедена во финишот од мечот од 2:1.

Стефан Ѓорѓиев беше сигурен за водство од 1:0 на домашниот тим, а 45. минута Едрит Исуфи погоди за 1:1 на пауза.

Во вториот дел двете екипи се обидуваат да креираат изгледни шанси за гол, а таква имаше во 85. минута кога Иван Мицевски постигна гол за триумф на домаќинот од 2:1.

Во Слупчане беа постигнати шест погодоци, а голеадата ја домаќинот Беса од 4:2 над поранешниот второлигаш Кадино.

За домашниот тим двојни стрелци беа Мерван Фетаи и Амир Бајрами, а за гостинот стрелаа Виктор Стефановиќ во првиот дел и Стефан Благојевски во вториот дел.

Гезим Бакиевски е херој за Куманово откако со гол од пенал постигнат во 50. минута обезбеди победа за неговиот тим на Фортуна од 1:0.

Пчиња беше подобра на домашен терен од Студеничани со резултат од 2:0. Стефан Мичевски погоди во првиот дел, а пак Димитар Стојановски стрелаше во 68. минута.