Утре ќе се одиграат натпреварите од третата рунда на Трета лига – Југ со почеток од 15 часот. Во рамки на третото коло слободна ќе биде екипата на Превалец, која требаше да игра со откажаната Слога од Лажани.
Познати се судиите кои ќе делат правда на седумте натпревари.
Душко Стојсавлевиќ од Прилеп ќе ја дели правдата во Крушево каде ќе се соочат Питу Гули и Млекар. Негови помошници ќе бидат Дино Конески и Кире Кулески од Прилеп.
Методија Костов од Велес ќе им суди на Младост и Дреново, во меч кој се игра во Кривогаштани. Андреј Ќамилов ќе биде прв помошник, а втор помошник ќе биде Виктор Миланов од Велес.
Задолжен за правдата на мечот меѓу Бучин и Башкими од Јаболчиште ќе биде Тоше Ицев од Кавадарци, а ќе му помагаат Драган Трпчевски од Кавадарци и Александар Трајков, исто така од Кавадарци.
Росоман ќе игра дерби со Ултрас, дуел на две непоразени екипи, а Ангелчо Ристов од Неготино ќе биде делител на правдата, ќе му помагаат Ване Данилов и Ване Дупкаров, исто така од Неготино.
Душко Панов од Кавадарци ќе биде главен судија на натпреварот меѓу Влазними Јуниор и Венец од Долни Дисан, а негови помошници ќе бидат Давор Дишлиевски и Тони Гурев од Кавадарци.
Тополка на домашен терен ќе се соочи со ланскиот второлигаш Борец. Николче Димовски од Велес ќе биде главен судија, а негови помошници ќе бидат Љупчо Клинкаров од Градско и Славче Шопоски од Велес.
