За утре се закажани натпреварите од третото коло на Втората женска фудбалска лига. Делегирани се и судиите кои ќе ја делат правдата на трите второлигашки натпревари во женска конкуренција.
Во битолско Кравари ќе се соочат апсолутниот фаворит Конзули и велешки Борец, а главен судија ќе биде Климент Ристоски од Струга.
Негови помошници ќе бидат Разме Бакрачески и Марио Мојсоски, исто така од Струга, а мечот ќе започне во 12 часот.
Филип Јованоски од Прилеп ќе ја дели правдата во Македонски Брод каде ќе се одигра дербито меѓу Порече и Билјанини Извори од Охрид.
Борис Трајков и Филип Боцески од Прилеп ќе бидат помошници, а мечот ќе започне во 15:30 часот.
Слободен на домашен терен ќе ја пречека Плачковица во меч кој ќе започне во 11 часот, а Јована Максимовска од Скопје ќе дели правда. Помошници ќе бидат Теодора Крстевска и Александар Нешкоски од Скопје.
