Делегирани судиите за четвртата рунда од Трета лига- Север, а натпреварите се закажани за утре со почеток од 16 часот.
Бобан Јовановски од Скопје ќе биде главен судија на натпреварот меѓу Беса од Сарај и Аеродром, а ќе му помагаат Александар Атанасовски и Виктор Здравев од Скопје.
Ржаничино дома ќе игра со Лопате, а Марјан Младеновски од Скопје ќе биде задолжен да ја дели правдата, а негови асистенти ќе бидат Христијан Стојанчевски и Анастасија Брајковска од Скопје.
БВК Коњаре на домашен терен ќе игра со Башкими Љуботен, а делител на правдата ќе биде Денис Стојковиќ од Куманово со неговите помошници Станко Митровиќ и Бојан Александровски, исто така од Куманово.
Методија Ставров од Скопје ќе им суди на Еуромилк ГЛ и Отља, а ќе му помагаат Бојан Божиновски и Матеј Спасевски од Скопје.
Екипата на Беса од Слупчане на домашен терен ќе ги одмери силите со Кадино, а главен судија на овој меч ќе биде Иле Никодиноски од Скопје, со неговите помошници Стојанче Колев и Милош Алексиќ од Куманово.
Ненад Тодоровски од Скопје ќе им суди на Куманово и Фортуна, а ќе му помагаат Филип Николов и Филип Тодоровски.
Како главен судија Мартин Дувњак ќе биде задолжен да дели правда на мечот меѓу Пчиња и Студеничани, а негови асистенти ќе бидат Александар Ѓорѓиевски од Скопје и Јована Максимовска од Скопје.
