Фудбалскиот клуб Напредок од Радово во секој поглед се подготвува максимално за настап во новата сезона во Општинската фудбалска лига во Струмица.
Клубот по неколку години пауза одново се реактивира за што веќе информираше Спортска Мрежа, а за таа цел покрај екипирање на екипата, административните работи, клубот и го уредува самиот терен, како тревникот, соблекувалните, така и околу самиот терен.
Претходно, Спортска Мрежа објави дека се уредува фудбалскиот терен во Радово, а сега се истисти просторот околу теренот кој беше претворен во дива депонија со што значително се подобруваат условите на фудбалскиот терен во Радово и се враќа потребниот сјај на овој фудбалски терен.
Новата сезона во ОФЛ Струмица или Четврта лига по ранг на натпреварување ќе започне на 12. октомври со натпревари од првото коло.
