Во сабота во Богданци се игра големото ракометно дерби меѓу Младост и Вардар Неготино од третото коло на Првата ракометна лига.
Директна дерби пресметка на два конкуренти кои претендираат за влез во Суперлигата, а овој меч ќе ја наполни салата во Богданци до последното седиште.
Ракометарот на Младост од Богданци, Даниел Андоновски во изјавата за Спортска Мрежа го најави саботното дерби. Охриѓанецот вели дека атмосферат е одлична, со сите поддршка од публиката очекува голема победа.
„Атмосферата во соблекувалната е одлична. Почнавме со подготовки порано и една од нашите стартни цели беше да направиме добра тимска хемија и сметам дека успеавме. По победата на првиот официјален натпревар во гости со Партизан, сега не очекува натпревар на домашен терен пред нашата публика. Се подготвуваме онака како што најдобро знаеме, со макотрпна работа секој ден. Очекуваме еден цврст натпревар и се надевам дека со помош на нашата публика ќе извојуваме нова голема победа и полека ќе се приближуваме кон нашата цел“, вели Андоновски за Спортска Мрежа.
Пополека атмосферата во Богданци зоврива, а Вардар Неготино го очекува „пекол“.
