Втора лигаФудбал

Свеченост во чест на легендата Петар Андреев пред дербито Беласица – Детонит Плачковица

Сподели
ФОТО: Спортска Мрежа
Сподели

Фудбалот во Струмица во недела повторно ќе добие празнична нота. Пред почетокот на натпреварот од 4. коло во Втората лига помеѓу Беласица и Детонит Плачковица од Радовиш, под рефлекторите на „Благој Истатов“, клубот ќе организира свеченост во чест на најголемата жива играчка легенда – Петар Андреев.

Од името на Беласица, претседателот на клубот Славчо Васков – Пинда ќе му додели плакета и врамен дрес со неговото име и бројот на настапи. Андреев е вистински симбол и икона на струмичкиот фудбал, со неверојатни 22 сезони и рекордни 555 лигашки натпревари за „плаво-белите“, во кои постигна 50 погодоци и се вброи меѓу најдобрите стрелци во историјата на клубот.

Дебитант на 17-годишна возраст против Балкан во Скопје, Андреев беше и прв капитен на Беласица во независна Македонија, а во премиерната сезона се запиша и меѓу најдобрите стрелци. Последниот натпревар го одигра во 1995 година против Саса, а една година подоцна му беше организиран и опроштален меч со белградски Партизан. По крајот на играчката кариера, ја продолжи својата посветеност кон клубот како тренер во младинските категории.

Неделната вечер во Струмица нема да биде само натпревар за бодови во Втората лига, туку и момент на сеќавање и почит кон човек кој ја симболизира верноста и љубовта кон Беласица. Публиката ќе има можност да му аплаудира на великанот Андреев и потоа да ужива во дербито против Детонит Плачковица.

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Ракомет

Битола слави голема победа – Еурофарм Пелистер со неверојатен пресврт го урна германски Гумерсбах!

Битола вечерва повторно ја почувствува магијата на големите европски ракометни вечери! Еурофарм Пелистер приреди вистински спектакл во салата „Боро Чурлевски“, совладувајќи го германскиот...

Ракомет

Андоновски: Со борба до последен здив за секоја топка, одиме по првата сезонска победа против Струга!

В сабота од 18 часот салата „Млаз“ во Богданци повторно ќе се наполни до последното место за мечот меѓу Младост и Струга од...

Поврзани написи
Втора лигаФудбал

Беласица ќе добие нов тренер, Раде Цицмиловиќ поднесе оставка поради лични причини

Второлигашот Беласица ќе добие нов тренер откако Раде Цицмиловиќ поднесе оставка и...

ФудбалЧетврта лига

Маџари го доби дуелот со Гоце Делчев, Зелениково со пет гола за Ускуп, лидерот Бујковци до три бода

Четири домашни и една гостинска победа го одбележаа осмото коло во Четвртата...

ФудбалФутсал

Шкупи во финишот до три бода, Форца со 15 гола против Клими, Осогово до голем триумф!

Поранешниот шампион Форца со неверојатни 15:1 го „разнесе“ Клими од Кавадарци во...

✕
error: Содржина е заштитена! Се забранува копирање на истата!