Македонскиот фудбалски прволигаш Струга Трим Лум продолжува со засилувањата за новата сезона, а најново име во редовите на клубот е Французинот Ласана Диако.
Станува збор за 26-годишен централен дефанзивец, кој досега настапувал за неколку клубови во ниските француски лиги, а последен ангажман имал во тимот на Париз 13 Атлетико. Со својата физичка подготвеност и дефанзивна стабилност, Диако треба да биде значајна алка во одбранбената линија на стружани.
Клубот од Струга сериозно се подготвува за новата сезона во Првата македонска лига, а амбициите остануваат високи – пласман во горниот дел од табелата и обезбедување учество во квалификациите за европските купови.
