Под рефлекторите на теренот кај Старата Гимназија во Берово, натпреварите од последниот ден од групната фаза донесоа нови емоции, маестрални голови и извонредна атмосфера. Турнирот продолжува со уште поголем интензитет во елиминациската фаза, но пред тоа – резиме на последните мечеви од групите:
- Резултати од последниот ден на групната фаза:
Дивиен Казино 0:3 Франкфурт Русиново
Овој натпревар беше регистриран со службен резултат за екипата од Русиново.
Турбо Тим Марлов 7:4 Франкфурт Русиново
Голема голеада! Турбо Тим и Франкфурт Русиново одиграа спектакуларен натпревар со вкупно 11 голови, а „Турбовците“ на крај излегоа како поуспешни.
Митрашинци 3:0 ОФК Малеш – Постоловски
Рутинска и убедлива победа на Митрашинци со која оди во следна фаза.
Турбо Тим Марлов 1:3 М Младост
Цврста и борбена партија на М Младост која обезбеди второ место во групата Б. Турбо Тим, и покрај добрата форма, оди понатаму.
Еклектик 4:2 Паб Делчево – Монополо
Еклектик повторно потврди дека е сериозен кандидат за трофејот, победувајќи го Паб Делчево во директен дуел за првото место.
- Фаза на елиминации – четвртфинални пресметки:
Возбудувањата продолжуваат со нокаут-дуели кои ветуваат уште поголема напнатост и неизвесност! Екипите што излегоа од групите се вкрстуваат на следниов начин:
ОФК Карбинци (А1) – Турбо Тим Марлов (Б4)
Митрашинци (А2) – Паб Делчево – Монополо (Б3)
Деутз Вих Двориште (А3) – М Младост (Б2)
ОФК Малеш – Постоловски (А4) – Еклектик (Б1)
Спортска Мрежа е медиумски покровител на овој спортски настан од 2022 година.
