Мал Ајакс е шампион во Втората футсал лига на Македонија и заедно со Балкан кој е вицешампион од следната сезона ќе се натпреваруваат во Првата футсал лига.
Убедливо најдобар стрелец за сезона 2024/2025 во Втората футсал лига е Иса Дурмишов, играчот на штипски Мал Ајакс постигна фантастични и неверојатни 71 гол.
20-годишниот играч имаше одлична сезона и убедливо им избегна на останатите играчи на листата на најдобри стрелци. На второто место заврши Ибрахим Алији, играчот на Балкан постигна 55 гола.
Трет заврши Октај Беќири од Кораб со 36 гола, а потоа следува Ѓорѓи Султанов од Овче Поле со 32 гола, Дарко Блажевски од Кораб со 31 гол и Хисен Мемеди од СЕЕ Универисити со постигнати 29 гола.
