Поранешниот македонски фудбалски репрезентативец, Иван Тричковски и официјално потврди дека ја завршува професионалната фудбалска кариера и копачките ќе ги закачи на клуб.
Популарниот Тричко со македонската репрезентација настапи на Европското првенство во 2021 година, по што се повлече од репрезентаијата. Својата кариера ја започна во Вардар, по што се пресели во Работнички, а потоа ја започна својата интернацинална кариера, настапувајќи за Црвена Звезда, Еносис Неон Паралимни, а следуваше трансфер во Апоел, Клуб Бриж, Васланд Беверен, Ал Наср, Легија Варшава, АЕК Ларнака и последно АЕЛ Лимасол, каде и ја завршува својата професионална фудбалска кариера.
Тричко остава голема трака во македонскиот фудбал и тој ќе биде пример за многу млади играчи кој треба да го следат патот до успехот.
38-годишниот Тричковски останува активно во фудбалот, како генерален директор на АЕЛ Лимасол.
„Крај на кариерата на еден голем играч и човек. Среќен и горд сум што бев дел од менаџментот на твојата фудбалска кариера и ти посакувам многу успех во иднина како Генерален директор на АЕЛ Лимасол“, објави Никола Ѓошевски, кој беше менаџер низ кариерата на Тричковски.
Во 2011 година беше избран за фудбалер на годината во Македонија, со Легија Варшава стана шампион на Полска во сезона 2015/2016, а истата сезона го освои и Купот на Полска.
Во сезона 2007/2008 беше шампион на Македонија со Работнички, а истата сезона со „романтичарите“ го освои и Купот на Македонија, а една сезона претходно односно 2006/2007 го освои Купот на Македонија со Вардар.
Во сезона 2010/2011 со Апоел го освои Купот на Кипар.
