Каршиака ја „потопи“ Победа со десет гола во Прилеп, Балкан со „петарда“ во Свети Николе за Овче Поле

Екипата на Балкан се „прошета“ во Свети Николе откако во мечот од 2. коло на Втората футсал лига со 0:5 го декласираше Овче Поле во спортската сала „Цар Самоил“ во дуел на два поранешни прволигаши.

Фестим Балиќи беше двоен стрелец, а по еден гол постигнаа Јусуф Сулејмани, Мустафа Јусуфи и Хакан Умер.

Каршиака ја декласираше Победа со 1:10 во гости со што прилепчани доживеаја уште еден катастрофален пораз откако во загубија со 23:1 од Балкан во гости.

Ако го поддржувате независното известување и промоцијата на македонскиот спорт, можете да ја поддржите нашата работа со симболична донација. Секоја поддршка ни значи и ни помага да создаваме нови спортски приказни

Хамза Садики се истакна за Каршиака со три гола, Бурим Касами имаше два гола, а по еден гол Енис Ибраими, Онур Емини, Нехат Емини и Сеад Јакупи.

За домашниот тим единствен стрелец беше Или Мирчески, кој погоди во 35. минута од средбата одигра во „Ристе Ристевски – Ричко“ во Припеп.

Денес во Кратово ќе се соочат Кратово и Мал Ајакс, а пак утре Црна Река ќе игра против Фудбал Старс.