Фудбалскиот клуб Големо Коњари е шампион во Третата македонска фудбалска лига – Југ, откако низ одлична сезона и допадлив фудбал тимот ја оствари својата прва цел, а тоа е да биде шампион во Трета лига – Југ, а сега ќе се насочи кон втората цел, а тоа ќе биде да се помине баражот и така тимот да дојде до влез во Втората лига.
Клубот преку соопштение се заблагодари на Гоце Седлоски за финансиската помош, тренерот на Вардар е потекнува во прилепско Големо Коњари.
„ФК Големо Коњари изразува голема благодарност до Гоце Седлоски за финансиската поддршка која ни е од големо значење. Исто така благодарност до Љупчо Бумбароски, Зоран Трајкоски (смокаро) и други колеги од Тутунски Комбинат за донираните 25 блузи за бараж натпреварот. Благодарност и до Ивица Јолевски за донираните 25 блузи со логото на клубот и натпис -Шампиони- за подигнување на шампионскиот пехар“, се вели во соопштението на ФК Големо Коњари.
Клубот сега се подготвува за бараж натпреварот, а на 18 мај (недела) ќе следува голема прослава за шампионската титула.
