По важната гостинска победа над Шкендија Арачиново, екипата на Арсими влегува со максимална мотивација и позитивна атмосфера во пресрет на натпреварот од 5. коло во домашниот шампионат против Скопје.
Во центарот на вниманието повторно ќе биде младиот и перспективен Лорик Каба Јакупи, кој во минатото коло беше херој на Арсими со два постигнати гола. Токму тој со големи очекувања го најавува претстојниот дуел, кој ќе се одигра во Гостивар.
Арсими ќе има можност со нова победа да ја потврди добрата форма и позитивниот момент во кој се наоѓа тимот.
“По важната победа во гостински терен против Шкендија во Чаир, сме мотивирани и со голема верба за следниот натпревар против Скопје. Особено сум среќен што бев автор на двата гола во таа победа, но заслугата му припаѓа на целиот тим за ангажманот и големата работа што ја направивме на теренот.”
“Знаеме дека не очекува тешка пресметка, но работевме добро во текот на целата недела и сме подготвени да го дадеме максимумот на теренот. Овој натпревар го играме во Гостивар и се надеваме дека трибините ќе бидат исполнети со нашите навивачи. Поддршката од публиката е многу важна за нас и ни дава дополнителен мотив да се бориме за секоја топката и за секој бод”
“Сакаме да ја продолжиме позитивната серија на резултати и да прославиме уште една победа заедно со нашите навивачи. Ги покануваме сите љубители на спортот и поддржувачи на Арсими да бидат со нас во Гостивар. Ние ќе дадеме се од себе за да ја возвратиме поддршката со уште едно добро издание и, се надеваме, со три бода”, изјави Лорик Каба Јакупи.
Натпреварот Арсими-Скопје ќе се одигра денес со почеток во 16:30 часот на градскиот стадион во Гостивар.
