Пелистер Волеј продолжува да го засилува својот младински состав, а во клубот пристигнува талентирана одбојкарка од еден од најреномираните турски клубови.
Нов член на битолскиот клуб е Азра Мујезиновиќ, родена во 2010 година во Турција, која во Пелистер Волеј доаѓа од Eczacıbaşı Sports Club – Анкара.
Мујезиновиќ игра на позицијата примач, а претходно настапувала и како среден блокер. Таа беше стандардна првотимка во категориите U14 и U16, со кои успеа да стигне до полуфиналето на турските натпреварувања.
2× U14/U16 полуфиналист
За одлуката да го избере Пелистер Волеј, младата одбојкарка вели дека клубот го гледа како одлична средина за продолжување на нејзината кариера и понатамошен развој во новиот живот во Македонија.
„Пелистер Волеј го гледам како клуб во кој можам успешно да ја продолжам мојата одбојкарска кариера и дополнително да се развивам. Импресионирана сум од видеата од натпреварите и настапите на тимот. Атмосферата во екипата е неверојатна, а тренерите и сите останати ме прифатија одлично уште од првиот ден“, вели Мујезиновиќ.
Таа додава дека промената на позицијата и новата средина ги гледа како можност за дополнителен напредок.
„Бидејќи започнувам ново поглавје како примач, сакам да бидам дел од тимот, да учам од поискусните играчи и да ги подигнам моите способности на повисоко ниво. Во Пелистер Волеј сакам да придонесам за тимот, истовремено продолжувајќи да се развивам во играч кој во иднина ќе може да се натпреварува на уште повисоко ниво.“
Со ангажманот на Мујезиновиќ, Пелистер Волеј продолжува да вложува во младите категории и да создава услови за развој на таленти од Македонија и странство.
