Македонскиот футсал шампион Проект денеска од 17:30 часот го очекува вториот натпревар во претквалификациската група А од Лигата на шампионите, против словенечкиот шампион Врхника.
За дуелот во Bluebox Arena во Грац веќе се познати и службените лица кои ќе ја делат правдата.
Главен судија ќе биде Лаурентиу Илие од Сан Марино, додека Срѓан Михајловиќ од Србија ќе ја има улогата на втор судија.
Трет судија ќе биде Олга Пављут од Белорусија, а мерач на време ќе биде Даниел Штаубер од Австрија.
За контролор е делегиран Иван Новак од Хрватска, додека делегат на УЕФА ќе биде Андреа Фарабини од Италија.
Службени лица:
🇸🇲 Главен судија: Лаурентиу Илие
🇷🇸 Втор судија: Срѓан Михајловиќ
🇧🇾 Трет судија: Олга Пављут
🇦🇹 Мерач на време: Даниел Штаубер
🇭🇷 Контролор: Иван Новак
🇮🇹 Делегат на УЕФА: Андреа Фарабини
Проект денеска ќе бара позитивен резултат по вчерашниот пораз од домаќинот Грац, а пред македонскиот шампион е нова можност за важни бодови во борбата за пласман во следната фаза. Врхника убедливо го доби шампионот на Израел, Макаби Нетанја.
🇲🇰 ПРОЕКТ – ВРХНИКА 🇸🇮
📅 27 август 2026
🕠 17:30 часот
🏟️ Bluebox Arena, Грац
Спортска Мрежа повторно ќе биде со македонскиот шампион во Грац и ќе го следи натпреварот од лице место.
