Македонското судење ќе има уште еден претставник на меѓународната сцена во претстојниот циклус квалификации за Европското првенство во 2028 година.
Европската ракометна федерација ја одреди судиската двојка за натпреварот меѓу Холандија и Финска, кој ќе се одигра во рамките на првото коло од квалификациската група 1. Довербата ја добија Методија и Михајло Илиевски, кои ќе ја имаат задачата да ја делат правдата на овој репрезентативен дуел.
Средбата е предвидена за 5 ноември, со почеток во 19:30 часот, а домаќин ќе биде „Спортцентрум Маспорт“ во холандскиот град Хертогенбош.
Со ова делегирање, Илиевски се приклучуваат на македонските судиски претставници кои добија обврски во квалификациите, по Димитар Митревски и Благојче Тодоровски, кои исто така се делегирани за натпревари од претстојниот циклус.
