Газели го промовираа првото ново засилување за сезоната 2026/27. Нов член на тимот е Надица Антеска, која во новата сезона ќе настапува на позицијата либеро.
Иако има само 22 години, Антеска веќе располага со значајно сениорско и репрезентативно искуство. Зад себе има четири години во сениорската репрезентација на Македонија, а претходно настапувала и за младинските селекции, со учество и на Европското првенство за играчи до 19 години.
Нејзината стабилност во одбраната, репрезентативното искуство и шампионскиот менталитет се очекува да бидат големо засилување за Газели во претстојната сезона.
