Шампионот на Словенија, Врхника со победа од 8:1 над Макаби Нетанја, кој е шампион на Израел ја отвори групата А во претквалификациите за Лигата на шампиони, херој е Гашпер Трдин, а победата доаѓа преку пресврт.
Израелскиот шампион со сили за едно полувреме, шампионот на Словенија се разигра во вториот дел.
Израелскиот тим го отвори резултатот со гол на Адам Кохен за водство од 0:1, а до крајот на првиот дел Трдин погоди за 1:1.
Во вториот дел Трдин донесе водство од 2:1 за голема радост на навивачите од Словенија, а потоа Ерик Новак зголеми на 3:1.
По овој резултат во целост се распадна израелскиот шампион со два брзи гола на Лука Летнар за убедливи 5:1.
Во продолжението од мечот Новак постигна погодок за превисоки 6:1 со што продолжи да се тресе мрежата на Макаби Нетанја. Грешката во одбраната на израелскиот тим резултираше за предност од 7:1 со голот на Жан Зупанчиќ. Вистински дебакл се случи откако на три минути до крајот беше постигнат осмиот гол, кој беше дело на Жига Франк, а тоа беше и конечниот резултат.
Од 20 часот македонскиот шампион Проект ќе игра против шампионот на Австрија, Грац кој е домаќин на групата.
