Денес во Штип ќе се одигра дербито на 3. коло во Втората футсал лига меѓу поранешните прволигаши Мал Ајакс и Црна Река, две екипи кои атакуваат на првите две позиции кои водат кон Прва лига.
Црна Река уште пред стартот на првенството најави отворени амбиции и подготвеност за враќање во елитата, а тимот од Кавадарци во Штип доаѓа и како благ фаворит поради подобриот ростер со кој располага.
Мал Ајакс има две победи од толку натпревари и одлично ја отвори сезоната, но штипјани на „тенок мраз“ ги добија натпреварите со малку и спортска среќа. Во првото коло се намачија со Овче Поле кој го добија со 2:1, а тимот од Свети Николе беше декласиран во второто и третото коло. Штипјани потоа славеа со 2:3 над Кратово во гости и тука освоија три бодови потешко од очекуваното.
Црна Река има одиграно само еден натпревар бидејќи во првото коло беше слободна. Во второто коло со 8:3 го декласираше Фудбал Старс од Кочани на домашен терен и сака таква слика и на денешното дерби со Мал Ајакс.
Во тимот од Кавадарци владее позитивна атмосфера, подготвени за денешното дерби кое се игра во салата „Тошо Арсов“ со почеток од 17:30 часот. За Црна Река само три бода се опција и кон тоа и се цели.
