Уште еден младински репрезентативец на Македонија во новата сезона ќе го носи дресот на КК Пелистер. Битолскиот клуб постигна договор со 20-годишниот кошаркар Бојан Димитриев, кој пристигнува како засилување за тимот.
Димитриев е дел од македонската репрезентација до 20 години, а станува збор за талентиран кошаркар кој игра на позицијата крило. Висок е 202 сантиметри и минатата сезона настапуваше за екипата на Водно Санс.
Со ангажманот на Димитриев, КК Пелистер продолжува со стратегијата за создавање конкурентен тим, но и вложување во млади македонски кошаркари кои треба да бидат дел од иднината на клубот.
Младиот репрезентативец ќе добие можност за понатамошен развој во битолскиот состав и шанса да се докаже на највисоко ниво во македонската кошарка.
