Амбициозниот третолигаш Илинден продолжува да нижи победи, но и да ги полни мрежите на противниците на патот кон обезбедување на првото место во Трета лига регион 1 кое води кон баражот за Втора лига.
Илинден денес на домашен терен со 3:0 славеше убедливо над Башкими Љуботен, во воведниот меч на 4. коло.
Резултатот беше отворен во 31. минута со автоголот на Рамадан Ибраимов за водство на домаќинот на полувреме со еден гол. Во вториот дел Бурхан Алији во 59. минута ја дуплираше предноста, а Ален Јашароски ги постави конечните 3:0.
Колото се комплетира утре со останатите средби.
