Прволигашот Башкими од Куманово се одлучи да направи драстична промена во ростерот оваа зима, откако клубот кој по 17 години се врати во елитата се раздели со дури десет фудбалери.
Марко Симоновски, Огузан Ајдоган, Фламур Џелили, Абдулхади Јахја, Недим Хаџиќ, Иса Аденкуле, Хабубула Аскар, Фарук Бихорац, Самет Реџепи и Ардит Демири се фудбалерите кои во иднина нема да го носат „зелено-црниот“ дрес.
Најмногу промени ќе има во нападот откако Башкими се раздели со пет фудбалери, промени ќе има и во средниот и во дефанзивниот ред.
Тимот во текот на есенската полусезона направи и тренерска промена откако Муарем Муарем кој сега е нов тренер на Работнички го презеде Башкими од Баже Јанакиевски, но дојде до промена и Јанакиевски кој го внесе Башкими во Прва лига се врати одново на тренерското столче на тимот од Куманово.
Во следниот период според информациите на Спортска Мрежа клубот сериозни ќе се активира на трансфер пазарот и ќе започне со промоција на првите зимски засилувања.
Башкими есенскиот дел го заврши на шестото место со 22 бодови, колку што има и Арсими кој е петти.
