Кошаркарската федерација на Македонија, како организатор на натпреварот Македонија-Луксембург, кој е дел од претквалификациите за Евробаскет 2029, информира дека од денеска сите заинтересирани љубители на кошарката можат да обезбедат влезни билети преку онлајн сервисот „МКТикетс“.
Цената на билетите е 150 денари за трибината зад кошевите во салата „Градски парк“ и 200 денари за централната трибина во комплетно реновираниот спортски објект во Скопје.
Натпреварот Македонија-Луксембург ќе се игра на 27 февруари (петок), со почеток од 18:00 часот.
