Без изненадување во Кратово – прволигашот Силекс со убедливи 0:3 го совлада второлигашот Детонит Плачковица и обезбеди пласман во полуфиналето од Купот на Македонија.
Кратовци го отворија резултатот во 30. минута преку Дарко Додев и со минимални 0:1 заминаа на полувреме. Во продолжението ја потврдија фаворитската улога – Дарко Ангелески во 64. минута зголеми на 0:2, а португалскиот интернационалец Мигуел Пиреш ги постави конечните 0:3.
Во полуфиналето Силекс ќе се соочи со второлигашот Охрид, кој вчера приреди вистинска сензација елиминирајќи го актуелниот освојувач на Купот, Вардар. По 1:1 во регуларниот дел, охриѓани славеа по изведување пенали со вкупни 3:5 и за првпат во својата историја се пласираа во полуфиналето. Тимот од Охрид воедно е лидер во Втората македонска фудбалска лига.
Вториот полуфинален пар ќе го сочинува изненадувањето Шкендија Арачиново, која за првпат стигна меѓу четирите најдобри по елиминацијата на Работнички, и победникот од четвртфиналната пресметка меѓу Струга и Шкендија – овој меч е одложен и ќе се игра на 18 март поради европските обврски на тетовска Шкендија.
