Младост Богданци вечерва убедливо го совлада Текстилец со 36:22 во елиминациската фаза од ракометниот Куп на Македонија, но триумфот имаше и дополнителна симболика.
Натпреварот беше во знакот на Бразилецот Жоао Габриел Диас Гекас, кој го прослави својот 24. роденден. Клубот му приреди изненадување со роденденска торта, а ракометарот ги изгасна свеќичките со бројот 24 и посака здравје, спортски успеси и исполнување на зацртаните цели.
А целта е јасна – враќање во Суперлигата. Младост е непоразен лидер во Првата ракометна лига и цврсто чекори кон елитното друштво, па роденденската прослава дојде како дополнителен мотив во успешната сезона на богданчани.
