ФК Слога од Злеово прави уште еден значаен чекор напред во своето функционирање и развој, воведувајќи брендирани маички и дуксери со логото на клубот, наменети за навивачите и сите љубители на фудбалот кои сакаат директно да го поддржат клубот.
Со оваа иницијатива, ФК Слога станува единствениот спортски колектив од Радовиш кој нуди официјални, брендирани реквизити за своите поддржувачи, што претставува новитет и позитивен пример за локалниот спорт.
Навивачите од сега ќе можат да нарачаат:
- Маичка по цена од 599 денари
- Дуксер по цена од 1.799 денари
При нарачка на двата производи следува и попуст, а со секоја нарачка купувачите добиваат и брендиран поклон од ФК Слога.
Средствата од продажбата ќе одат директно во поддршка на клубот, што претставува уште еден начин локалната заедница да застане зад својот тим.
ФК Слога е клуб од радовишкото село Злеово, кој по речиси една деценија повторно се врати на фудбалската карта на Македонија со пријавување учество во Општинската фудбалска лига – Струмица, каде што во моментов е и единствениот претставник од радовишко.
Клубот зад себе има и успешен есенски дел од сезоната, кој го заврши на третото место со 13 бодови, само три помалку од водечките Спартмани од Градско Балдовци и Интер Кукла, кои имаат по 16 бодови.
Со вакви чекори – и на теренот и надвор од него – ФК Слога од Злеово покажува дека има јасна визија, амбиција и желба за континуиран развој, а брендираните маички и дуксери се уште еден симбол на враќањето на клубот таму каде што припаѓа – во срцето на навивачите.
