Делегирани судиите кои ќе ја делат правдата на мечевите од 7. коло во Првата женска фудбалска лига.
Четири од пет натпревари ќе се одиграат утре, а пак натпреварот меѓу Ас Јунајтед и Речица ќе се одигра на 2 октомври, кога ќе се комплетира седмата рунда.
Токму на овој натпревар кој се игра во Струга правдата ќе ја дели Дени Лековски од Битола, а ќе му помагаат Ангела Домазетовска и Петар Степановски од Битола.
Овој натпревар ќе започне во 15 часот.
Во однос на утрешниот натпревари во Тетово шампионот Љуботен ќе го пречека тимот на Тиверија Брера, а правдата ќе ја дели велешанецот Боби Величков, а ќе му помагаат Радмила Неркова и Александар Ајдаров исто така од Велес.
Стартот на овој натпревар е закажан за во 16 часот.
Дејан Младеновски од Скопје ќе им суди на Вардар и Скопје, на меч кој се игра на „Цементарница 55“, а ќе започне во 14 часот.
Негови помошници ќе бидат Тамара Цветановиќ и Тамара Астарџиева од Скопје.
Во Пржино ќе се соочат Скопје и Топ Гол каде задолжена за правдата ќе биде Вјолца Изеири од Гостивар, а нејзини помошници ќе бидат Елена Соклевска Илиевски од Скопје и Цветанка Савеска од Јегуновце.
Стартот на овој меч е од 15 часот.
Во Македонска Каменица домаќинот Каменица Саса како апсолутен фаворит ќе се соочи со Кочани. Спире Арсов од Кочани ќе биде главен судија, а негови помошници ќе бидат Богданчо Ѓеоргиев и Кирил Јованов, исто така од Кочани.
Натпреварот е закажан за во 15 часот.
