Фудбалскиот клуб Башкими од Куманово обезбеди место во осминафиналето на Купот на Македонија, откако на гостински терен ја совлада Победа во Прилеп со убедливи 0-4.
Новопромовираниот прволигаш целосно го контролираше мечот на стадионот „Гоце Делчев“ и ја потврди својата фаворитска улога.
Резултатот го отвори Недим Хаџич во 25. минута за 0:1 на полувреме. Во вториот дел Ресуљ Мемети во 76. минута постигна гол за 0:2, а потоа во две минути во 80-та и 82-ра Мухарем Мислими и Емануел Аворнуо постигнаа погодоци за конечни 0:4.
Со оваа победа, Башкими се приклучува на веќе познатите осминафиналисти: Беласица, Пелистер, Работнички, Македонија ЃП, Силекс, Новаци, Охрид, Детонит, Брегалница и Шкендија Арачиново, додека Вардар и Струга се веќе директно пласирани како минатогодишни финалисти.
