Фудбалската репрезентација на Македонија до 21 година претрпе втор пораз во квалификациите за Европското првенство 2027, откако вечерва на стадионот „Петар Милошевски“ во Битола беше поразена од Италија со минимални 0-1.
Пред околу 8.000 навивачи и во одлична атмосфера, македонските надежи не успеаја да ја искористат бројчаната предност откако гостите од 25. минута играа со фудбалер помалку по исклучувањето на Брандо Моруци.
Италијанците поведоа во 35. минута по еден прекин, кога Лука Маријанучи погоди за единствениот гол на мечот. Во второто полувреме Македонија се обиде да притисне и да израмни, имаше неколку удари од далечина и сомнителна ситуација за пенал, но без реализација.
Со овој резултат, избраниците на Горан Станиќ остануваат без бодови по првите две кола, откако претходно беа поразени и на гостувањето кај Полска.
