Утре со заостанатиот натпревар меѓу Брера Струмица и Вардар ќе се комплетира 2. коло во Првата женска фудбалска лига.
Овој натпревар беше заостанат односно не се одигра бидејќи Вардар го зазема местото на откажаниот Атлетико, па од таа причина мечот беше одложен за утре.
Познати се и официјалните лица за овој натпревар. Главен судија на натпреварот ќе биде Виолета Јанчева од Гевгелија, а нејзини помошници ќе бидат Тоше Ицев од Кавадарци и Ване Дупкаров од Неготино.
За контролор е делегиран Винко Смокварски од село Будинарци, Берово.
Домашниот тим Тиверија Брера е фаворит на овој меч, а пак Вардар ќе атакува на прв позитивен резултат и на први историски бодови како прволигаш.
Натпреварот се игра на теренот со вештачка трева во Струмица со почеток од 16:30 часот.
