Третолигашите Победа и Еуромилк ГЛ на Градскиот стадион во Валандово одиграа пријателски меч кој заврши со минимални 0:1 за тимот од Горно Лисиче.
Одличен натпревар и можност за проверка на формата и за едните и за другите за новата сезона. Победа Валандово денес е слободна односно во рамки на 1. коло на Трета лига – Исток, а пак возбудувањата во Трета лига – Север ќе започнат следниот викенд.
Во рамки на второто коло екипата на Победа Валандово ќе игра против Ударник од Пирава, а пак Еуромилк во рамки на првото коло ќе игра против новиот третолигаш Студеничани.
