Утре започнува новата сезона во Третата македонска фудбалска лига – Исток со натпреварите од првото воведно коло, а кои стартуваат во 16 часот.
Познати се судиите за првото воведно коло кои ќе ја делат правдата на петте натпревари, а во рамки на првото коло слободна ќе биде екипата на Победа Валандово.
Во Пирава ќе се соочат Ударник против Брегалница од Делчево, а главен судија ќе биде Борче Коцев од Радовиш.
Дербито во Зрновци меѓу Светлост и Карбинци ќе го суди Александра Спасова од с. Мустафино, Свети Николе. За правдата на мечот во Свети Николе каде ќе се соочат Овче Поле и Тиверија главен судија ќе биде Здравко Костовски од Штип.
Спире Арсов од Кочани ќе ја дели правдата меѓу Рудар и Малеш во меч кој се игра во Пробиштип, а пак Блаже Петковски од Миравци, ќе ја дели правдата на мечот меѓу Дојранско Езеро и Хоризонт Турново.
