Новиот второлигаш Преспа од Ресен слави голем и убедлив триумф над Победа во рамки на 3. коло во Втората македонска фудбалска лига од убедливи 5:0.
Давид Карамачоски постигна три погодоци, а по еден гол постигнаа новото засилување Амир Фејзулаи и искусниот Нико Пластиновски.
Атмосферата во соблекувалната на Преспа е голема, а во Ресен се слави триумф и први бодови во новата сезона. Преспа немаше многу време за подготовки бидејќи започна десет дена пред почетокот по откажувањето на Беса од Добри Дол, но сигурно е дека пополека тимот ја фаќа потребната форма и биде конкуретен во трката за опстанок.
Вечерва едно е јасно – Преспа нема така лесно да се отпише, а Ресен вечерва ја слави „петардата“ против Победа.
