Новата сезона во Втората женска фудбалска лига ќе стартува на 14 септември со натпреварите од Првото коло.
Шампионот обезбедува директен влез во Првата женска фудбалска лига, а пак второпласираниот тим игра бараж за можен влез во елитата со претпоследната екипа од Првата лига.
Ако минатата сезона во Втората лига настапија осум екипи и во двокружен систем од 14 екипи, во сезона 2025/2026 ќе настапат само шест екипи во трокружен систем или 15 кола. Првото коло се игра на 14 септември, а есенскиот дел завршува на 26 октомври, а зимската пауза ќе трае 5 месеци и еден ден, бидејќи пролетниот дел е закажан за 29 март 2026 година.
Имаше најави за неколку нови екипи, но сепак се одлучија да не пријават екипа во Втората женска фудбалска лига.
Поранешниот шампион Конзули од Битола се враќа на фудбалската карта и изгради тим со кој се наметнува како прв фаворит во лигата, а пак од сенка за првото место ќе напаѓа Билјанини Извор од Охрид, поранешниот шампион на Македонија сака влез во Прва лига.
Во трката за место кон елитата сака да фати приклучок и Порече, а тимот од Македонски Брод за таа цел ангажираше неколку нови засилувања.
Во следните денови ќе направиме комплетна анализа на сите екипи и ќе ги претставиме сите засилувања.
Плачковица од Радовиш ќе биде конкурентна да фаќа приклучок за висок пласман односно трето место, додека пак Борец и Слободен ќе водат битка да се избегне последното место, но може да се случи и некое изненадување.
Во рамки на првото коло во Охрид екипата на Билјанини Извори како фаворит ќе го пречека Борец, Конзули во улога на голем фаворит ќе игра против Плачковица, а пак Порече, исто така како фаворит ќе игра против Слободен.
Во следните денови следете емисија на Спортска Мрежа за Втората женска фудбалска лига.
