На 14 септември ќе започне новата сезона во Втората женска фудбалска лига, со само шест екипи, а кои ќе играат во трокружен систем.
Ќе настапат Билјанини Извори од Охрид, Борец од Велес, повратникот Конзули од Битола, Плачковица од Радовиш, Порече од Македонски Брод и Слободен од Скопје.
Екипата на Победа Валандово одлучи да не пријави учество во Втората женска фудбалска лига, а пак Вардар кој минатата сезона беше поразен во баражот отпосле доби можност да игра во елитата, откако Атлетико од Битола се откажа од натпреварување во Првата женска фудбалска лига.
Во рамки на првото коло во Охрид екипата на Билјанини Извори како фаворит ќе го пречека Борец, Конзули во улога на голем фаворит ќе игра против Плачковица, а пак Порече, исто така како фаворит ќе игра против Слободен.
Првото коло носи домашни фаворити и очекуваме победи за домаќини, а се друго ќе има изненадување на било која од овие три средби.
Во новата сезона ќе се одиграат 15 натпревари, а во рамки на есенскиот дел ќе се одиграат седум кола, последното есенско коло ќе се одигра на 26. октомври, а пак пролетниот дел почнува дури на 29. март 2026 година и ќе има зимска пауза од пет месеци. Попрецизно 153 дена или 5 месеци и еден ден.
