Охрид загуби на тешкото гостување кај тимот на Шкендија Арачиново од 2. коло на Втората македонска фудбалска лига, откако загуби преку пресврт со 2:1 и останува и натаму без сезонско славје.
Младиот тренер на Охрид, Ромео Кочоски зборуваше за натпреварот со Шкендија Арачиново, а во изјавата за Спортска Мрежа истакна дека добро го отвориле натпреварот, но вели дека биле брзоплети во завршницата на нападите.
„Добро го отворивме натпреварот и дојдовме до рано водство. После имавме две три добри прилики за да ја дуплираме предноста, но бевме брзоплети во завршницата од нападите. После тоа натпреварот отиде во тек каде што повеќе му одговараше на домаќинот и подобро се снајде и не казни“, ни изјави Кочоски.
Како што велиот младиот стратег Охрид веќе против Осогово на домашен терен ќе има иделана шанса за да се израдува на првата сезонска победа.
„Според мене не заслуживме да заминеме без бод од ова тешко гостување. Не очекува натпреварот со Осогово каде што е време да се радуваме на прва победа во новата сезона“, вели тренерот на Охрид, Ромео Кочоски во изјава за Спортска Мрежа.
Охрид новата сезона ја започна со реми на домашен терен со Беласица откако одигра 1:1, а доживеа пораз од Шкендија Арачиново.
