Кожуф одлично ја отвори новата сезона во Втора лига, откако тимот од Гевгелија кој сега го води штипскиот тренер Иван Варадиновски имаше реми во Штип со Брегалница (0:0), а потоа дома го доби Новаци со 2:0.
Во изјава за Спортска Мрежа, Варадиновски зборуваше за мечот со Новаци и за првото сезонско славје, а притоа се заблагодари за поддршката од верните „Фантоми“,
„Одигравме дисциплинирано и трпеливо онака како што и се договоривме, имавме контрола и доминиравме во текот на целиот натпревар. Заслужено дојдовме до победа, честитки до играчите и голема благодарност до навивачката група „Фантоми“ за безрезервната поддршка“, вели тренерот на Кожуф, Иван Варадиноски за Спортска Мрежа.
Во следното коло Кожуф ќе гостува кај Каменица Саса, практично Варадиновски ќе оди против својот поранешен клуб кој го водеше како тренер.
