Второлигашот Новаци се засили со два искусни фудбалери со што значително ја зголемува конкуренцијата во своите редови. Се работи за Христијан Драгарски и Петар Љамчевски.
Искусниот дефанзивец Драгарски во Новаци доаѓа од тимот на Воска Спорт, а низ својата кариера 33-годишниот фудбалер беше дел од штипска Брегалница, Беса, Пелистер, Струга Трим Лум, Победа, Младост од Царев Двор, а пак меѓународна кариера градеше во Албанија настапувајќи за екипата на Теута, потоа во Романија за тимот на Конкордија, како и во Србија каде настапуваше за Радник.
Драгарски носи големо прволигашко, но и меѓународно искуство во тимот на Новаци.
Љамчевски, пак во Новаци пристигна од новиот второлигаш Слога Виница, а пак офанзивниот играч за врска низ својата кариера беше дел од Пелистер, Вардар, Тиквеш, Гостивар, потоа 34-годишниот фудбалер настапуваше и за Силекс, Љабуништа, Еуромилк ГЛ, Металург, а во странство беше дел од австриски Мауерверк.
Новаци во новата сезона тргна со триумф над Победа на домашен терен, а пак загуби од Кожуф во Гевгелија. Клубот има нов спонзор Евротип застанува зад Новаци, со нова управа со што повеќе од јасно е дека клубот како прва цел ќе има да го стабилизира и да го направи стабилен второлигаш и да цели и кон висок пласман.
