Македонскиот репрезентативен голман, Дејан Илиев, ја продолжи соработката со романскиот прволигаш УТА Арад и ќе остане дел од тимот до 2027 година, соопшти клубот.
Илиев пристигна во Арад по ангажманот во ФК Сараево, а во својата прва сезона во Романија запиша 20 натпревари. Со одличните интервенции и стабилноста на голот, остави силен впечаток и си обезбеди нов долгорочен договор со романскиот клуб.
Чуварот на мрежата претходно беше дел од лондонски Арсенал, а потоа ги бранеше боите на Серед (Словачка), Јагјелонија (Полска), Шрузбери (Англија), Тренчин и Сарајево. Сега, со новиот договор, Илиев добива стабилност и нова можност за понатамошен напредок во кариерата.
Виолета Јанчева, Спортска Мрежа
