Актуелниот шампион и лидер на табелата, екипата на Љуботен со резултат од 9:0 однесе убедлива и висока победа над битолски Атлетико, во меч каде голгетерката Хава Мустафа четири пати ја тресеше мрежата на Мартина Сиљаноска, едниот гол беше од пенал.
Два гола постигна интернационалката од Америка, Мариса Николе Васкез, а по еден гол имаа Мариан Огочукву Охадиве, Елена Симјанова и Екатерина Фролова.
Тиверија Брера без проблеми го совлада Топ Гол на домашен терен со резултат од 3:0. Кристина Нафула беше двоен стрелец за домашниот тим, а еден гол постигна Тчеури Харуми Гоја.
Во првиот дел на 0:0 Тиверија Брера имаше и пречка, а голманката на битолскиот тим Натали Талевска имаше неколку одлични интервенции, но сепак искусниот домаќин дојде до рутинска победа.
Скопје на крилата на Ана Боризовска која постигна хет-трик ја декласираше Речица со резултат од 4:0, а пак еден гол постигна и Никица Трендова.
Како што веќе информираше Спортска Мрежа во воведниот меч Каменица Саса со 3:1 го доби Ас Јунајтед во Делчево, извештајот од овој меч е достапен овде.
