Каменица Саса дојде до нова победа откако со 3:1 денес триумфираше над Ас Јунајтед во меч од 19. коло на Првата женска фудбалска лига. Овој натпревар се одигра на Градскиот стадион во Делчево, бидејќи машкиот тим на Каменица Саса денес исто така играше првенствен натпревар на домашен терен со Башкими на домашен терен.
„Рударките“ до победата дојдоа преку пресврт, откако гостинот од Струга преку Веса Села дојде до 0:1 по девет минути игра, а во финишот на првиот дел односно во 42. минута Ана Димитровска постигна гол за 1:1.
Во вториот дел Бразилката Туане Де Соуза Фрагосо постигна гол за пресврт и водство на Саса од 2:1. Натпреварот резултатски беше неизвесен до самиот финиш кога Димитровска со втор гол ги постави конечните 3:1.
Колото се комплетира утре со останатите три натпревари. Љуботен како апсолутен фаворит ќе игра против Атлетико на домашен терен, Тиверија Брера ќе го пречека Топ Гол во Струмица, а пак Скопје ќе игра со Речица во меч каде домаќинот ќе биде фаворит.
Во оваа коло слободна ќе биде екипата на СЦ Истатов.
