Познато е кога ќе се одиграат осминафиналните натпревари од Купот на Македонија, а во која фаза ќе се соочат девет прволигаши, шест второлигаши и еден третолигаш.
Седум натпревари ќе бидат одиграни на 28 октомври од 13:30 часот, а последниот патник во четвртфиналето ќе се добие на 25 ноември кога ќе се одигра мечот меѓу АП Брера Струмица и Арсими од 13 часот.
Прволигаши во осминафиналето: Скопје, Струга Трим Лум, Башкими, Шкендија Арачиново, Вардар, Тиквеш, Силекс, Брегалница и Арсими, додека пак второлигаши осминафиналето се Новаци, Беласица, Пелистер, Работнички, Македонија ЃП и АП Брера Струмица, а Каменица Саса е единствениот третолигаш.
Во осминафиналето се среќаваат Скопје со Новаци, Струга Трим Лум против Беласица, прволигашко дерби на Башкими и Шкендија Арачиново, како и Вардар со Тиквеш, Пелистер ќе игра со бранителот на Куп титулата Силекс, Работнички со Каменица Саса, Македонија ЃП против Брегалница и АП Брера Струмица со Арсими.
