Прилепска Победа го направи првиот „кикс“ откако одигра 0:0 против Венец во Долни Дисан на отварање на 7. коло на Трета лига регион 4.
По перфектниот учинок прилепчани го забележаа првото реми оваа сезона, за домаќинот ова е голем бод.
Млекар го освои првиот бод откако на домашен терен одигра 2:2 против ланскиот второлигаш Вардар Неготино.
Емран Имероски во 17. минута го отвори резултатот за водство од 1:0, а во 29. минута беше 1:1 со голот на Иван Иванов. Во вториот дел домашниот тим дојде до нова предност преку Сади Османоски во 53. минута, а во 76. минута Дарко Ѓорѓев ги постави конечните 2:2.
Бучин со 2:3 славеше во Пепелиште над Победа преку двата гола на Зоран Мирчески и голот на Виктор Глушески. За домашниот тим двоен стрелец беше Мартин Младеновиќ.
Колото ќе се комплетира денес.
