Охрид со ново моќно издание против турскиот Спор Тото откако славеше со 22:38 на реваншот и со тоа патува во третото коло од ЕХФ Европскиот куп кој го брани Охрид.
Вкупниот резултат од овој двомеч во „Билјанини Извори“ е 74:46 за „гладијаторите“.
Во првиот дел од средбата турскиот тим пружаше максимален отпор и играше на подобро ниво во однос на вчерашниот меч, но и покрај тоа на полувреме замина со негатива од 14:16.
Резултатот постојано се менуваше водство имаше Спор Тото, но и Охрид. Турскиот тим имаше предност и од три гола при 9:6, а потоа и на 10:7, а дојде и до највисоките плус четири 11:7.
Потоа „гладијаторите“ влегоа во серија погодоци и го свртеа резултат на 14:16 на полувреме.
Во второто полувреме Охрид започна моќно да ја полни мрежата на Спор Тото кој во нападот никако не функционираше, а „гладијаторите“ имаат 14:23. По серијата од седум гола, турскиот тим постигна гол за 15:23 по осум минута игра во второто полувреме.
На крајот Охрид само ја потврди рутински победата со резултат од 22:38.
По шест гола за Охрид постигнаа Дарко Ѓукиќ и Мартин Ивановски, а за Спор Тото прво име беше Ибрахим Озтурк со седум гола.
