Екипата на Беса од Слупчане ја имаше највисоката победа во рамките на 5. коло на Трета лига регион 2 откако на домашен терен со 8:0 славеше над Козјак од Старо Нагоричане.
Шуајб Бајрами, Мерван Фетаи и Мираџ Демири беа двојни стрелци, а п оеден гол постигнаа Арбурим Ајдини и Харун Касуми.
Липково и Речица ги поделија бодовите откако одиграа 1:1 откако гостинот преку Немања Стојковиќ го отвори резултатот во 50. минута, а домашниот тим преку гол на Бесар Абдији во 78. минута ги постави конечните 1:1.
Лидерот Куманово со 1:3 славеше над Влазними од Оризари во гости, сите погодоци беа постигнати во вториот дел, а победата дојде преку пресврт. Вергим Рамадани го отвори резултатот во 55. минута, а потоа Амар Имери и Ќендрим Абази го свртеа резултатот, додека пак Екрем Мемеди погоди за конечни 1:3.
Победа од Тромеѓа ја освои Крива Паланка со победа од 1:2 над домаќинот Академија Осогово. Лука Љубевски во 36. минута донесе водство за гостинот. Самиот финиш беше повеќе од драматичен.
Во 86. минута Петар Стојановски израмни, а три минути подоцна Милан Благојевиќ погоди за конечни 1:2.
Натпреварот меѓу Јуниор од Доброшане и Речица не се одигра, истиот е одложен за нов термин.
Лидер на табелата е Куманово со максимални 15 бодови, а со по десет бодови Беса од Слупчане и Пчиња го делат третото место, со тоа што Пчиња има меч помалку тој со Јуниор, кој пак е четврти со девет бодови.
