Билјанини Извори продолжува во победнички ритам откако на гостувањето кај Башкими славеше со 2:3 во дербито на 3. коло на Втората женска фудбалска лига.
Во фер и коректен натпревар и топол пречек од страна на домашниот тим, Ивана Николоска го отвори резултатот за водство од 0:1 а во 35. минута Фјола Авдиљи погоди за 1:1 на полувреме.
Во второто полувреме гостинот од Охрид преку втор гол на Николоска и гол на Викторија Стојаноска стигна до предност од 1:3. Рона Камери во 67. минута ги постави конечните 2:3.
Ржаничино со резултат од 9:0 славеше над Плачковица со што лесно беше оправдана фаворитската улога. Теодора Јанковска постигна пет гола, Љубица Асановиќ три, а еден гол Мила Ристовска.
Ланскиот прволигаш Топ Гол го „разнесе“ тимот на Победа од Валандово со 15:0. По пет гола постигнаа Сара Стефановска и Мила Коњановска, два гола Дарија Стојчевска, а по еден гол Тиана Вучева, Михаела Талевска и Тамара Давчевска.
Нов пораз за Топ Грлс откако на домашен терен загуби од Менада со 1:6. Ева Андонова постигна три гола за тетовскиот тим, а по еден гол постигнаа Елеонора Нанева, Ана Марија Змејкоска и Дајана Ристовска, за домашниот тим единствен стрелец беше Анастасија Котоска.
Со по девет бодови Ржаничино и Билјанини Извори го делат првото место, со по шест бодови Топ Гол и Башкими третото место, Менада и Победа Валандово имаат по три бода, Топ Грлс е без бодови, на дното е Плачковица со минус три бода.
