Убедлива победа од 1:5 забележа Дрита над Скендербег од 5. коло на Трета лига регион 6. За домашниот тим единствен стрелец беше Амир Зендели, а за гостинот Арсим Рамадани погоди двапати, а по еднаш Бесарт Абази, Бесим Алили и Фатмир Абдули.
Цетинска ги освои трите бодови во дуелот со Речица откако славеше со 3:1. Лорик Љика со два и Дурим Љоки со еден гол ја обезбедија победата, за гостинот погоди Емран Матоши.
Љуботен беше поразен на домашен терен од Јехона со 0:1, стрелец беше Дорарт Амити.
Гостивар со убедливи 3:0 славеше над Добришти со головите на Бамир Алиу, Акн Естиу и Ебубекир Азиз, кои стрелаа во вториот дел.
Вардар Брвеница на домашен терен со 2:0 славеше над Кораб преку головите на Славче Антовски и Ивица Костадиноски.
Вчера, како што објави Спортска Мрежа тимот на Џепчиште славеше на Градец, извештајот е достапен овде.
